ಶ್ರಾವಣ ಮಾಸದ ಮಂಗಳ ಗೌರಿ ವ್ರತ

ಶ್ರಾವಣ ಮಾಸದ  ಮಂಗಳ ಗೌರಿ ವ್ರತ  

ನನ್ನ ಮೊದಲ ಮಂಗಳ ಗೌರಿ ವ್ರತ . ನನಗೆ ಬಹಳ ಸಂತ್ರುಪ್ತಿ ಕೊಟ್ಟೆ ಪೂಜೆ . 

ವರಮಹಾಲಕ್ಷ್ಮಿ ಹಬ್ಬ

ಅಮ್ಮ ತಂಗಿ ಮನೆಗೆ ಹೋಗ್ಗಿದ್ದಾಗ  ನಾನು  ಆಚರಿಸಿದ ವರಮಹಾಲಕ್ಷ್ಮಿ ಹಬ್ಬ. ಮೊದಲನೇ ಬಾರಿ ಅಮ್ಮನ ಸಹಾಯ ಇಲ್ಲದೆ ಆಚರಿಸಿದೆ . ೨೦೧೨ ನೇ ವರ್ಷ ಹಬ್ಬದ ಚಿತ್ರಗಳು .  

ನಾ ಕಂಡ ಹಾಸನ

ದೂರದ ಸುಂದರ ನೀಲಿ ಬೆಟ್ಟ ,
ಅಡಕೆ,ಆಲು,ತೆಂಗು,ಬಾಳೆದೋಟ,
ತಂಗಾಳಿಗೆ ಚೆಂಡುವಿನ ಮೈಮಾಟ,
ಎಂತಹ ಮನಮೋಹಕ ನೋಟ,


ಸಾಲು ಮರದ ಹಸಿರ ಸೊಬಗು,
ಎಲೆಯ ಮರೆಯ ಹಕ್ಕಿಯ ಕೂಗು,
ಗಾಳಿಯ ಕಂಪನ, ಚಳಿ ಬಯಲಲಿ,
ನಯನ ಸೆಳೆದ ರತ್ನಪಕ್ಷಿಯು ಮುಗಿಲಲಿ,

ಮುಂಗಾರಿನ ಹನಿಯಲಿ ಮೈಮರೆತೆ,
ಮುಸ್ಸಂಜೆಯಲಿ ಕೆಂಪು ನೇಸರ ಕಂಡೆ,
ಹರಿವಳು ಗೊರೂರಿನಲ್ಲಿ ಹೇಮಾವತಿ,
ನಗುವ ಹಸಿರಿಗೆ ಉಸಿರಿಟ್ಟ ಜೀವೆನದಿ,

ಶಿಲ್ಪಕಲೆಗಳ ಬೇಲೂರು ಹಳೆಬೀಡು,
ಹಕ್ಕ ಬುಕ್ಕರು ಆಳಿದ ವೈಭವ ನಾಡು,
ವಿಶ್ವವಿಖ್ಯಾತ ಶ್ರವಣಬೆಳಗೊಳದ,
ಏಕಕಲ್ಲಿನ ಗೊಮ್ಮಟೇಶನ ನೆಲನಾಡು,

ಬಾಹ್ಯಾಕಾಶ ಭೂಮಿಗೂ ಸಂಪರ್ಕಿಸಿದ,
ಮುಖ್ಯ ನಿಯಂತ್ರಣ ಸೌಲಭ್ಯ ಕೇಂದ್ರದಲಿ,
ವಿಸ್ಮಯ ಮೂಡಿಸುವ ಉಪಗ್ರಹದುಡಾವಣೆ,
ನೋಡಲು ಬಲು ರೋಮಾಂಚಕರ ಸಂಗತಿ,

ಶ್ರೀರಾಮಲಿಂಗೇಶ್ವರ,ಪುರದಮ್ಮ ಹಾಸನಂಬ,
ಶ್ರೀ ರಂಗನಾಥ ದರ್ಶನ ಪಡೆದು ಪುನಿತಳಾದೆ,
ಇಂತಹ ಪ್ರಕೃತಿಯ ಸೌಂದರ್ಯ ತಾಣದ,
ಸೊಬಗನು ಸವಿದ ನಾನಿಂದು ಧನ್ಯಳಾದೆ.

ನಿನ್ನ ನೆನಪು

ಮುಂಜಾನೆಯ ತುಂತುರು ಮಳೆಯಲಿ,
ಹಸಿರ ಚುಂಬಿಸಿದ ಸೋನೆಯಲಿ,
ಹನಿಯ ಸಿಂಗರಸ ಬಂದ ಹೂಬಿಸಿಲಿನಲಿ,
ನಿನ್ನ ನೆನಪು,ನಿನ್ನ ನೆನಪು,
ನನ್ನೊಲುಮೆಯ ಸ್ಫೂರ್ತಿಯೇ !

ಬಿರಿದ ಸುಂದರ ಹೂವಿನ ದಳದಲಿ,
ಪಂಚಮ ಕೋಗಿಲೆಯ ಗಾನದಲಿ,
ಸಾಲಕ್ಕಿಗಳ ಪಯಣದ ಮುಸ್ಸಂಜೆಯಲಿ,
ನಿನ್ನ ನೆನಪು ನಿನ್ನ ನೆನಪು,
ನನ್ನೊಲುಮೆಯ ಮೂರ್ತಿಯೇ !

ಇರುಳಲಿ ಮಿಂಚುವ ತಾರೆಗಳ ತೋಟದಲಿ,
ಕಾಂತಿಯುತ ಚಂದ್ರಹಾಸನ ಮಂದಹಾಸದಲಿ,
ಸುಪ್ತ ಸಮಯದ ತಂಗಾಳಿ, ಕಂಪು ಬೀರಿದಲಿ,
ನಿನ್ನ ನೆನಪು ನಿನ್ನ ನೆನಪು,
ನನ್ನೊಲುಮೆಯ ಕೀರ್ತಿಯೇ !!

ನನ್ನ ಗೆಳಯ

ಮಿತ ವಾಚಕ,
ಒಳ್ಳೆಯ ಶ್ರೋತ್ರುಗ,
ಎಂಥ ವಿನಯ,
ನಿ ಹೇಗಾದೆ ನನ್ನ ಗೆಳಯ !


ಸರಳ ನಡತೆ ,
ನಗುವಲ್ಲಿ ಮುಗ್ಧತೆ,
ಅದಕ್ಕೆ ನ ಸೋತೆ,
ನಿ ಹೇಗಾದೆ ನನ್ನ ಗೆಳಯ !

ಕಾಂತಿಯುತ ವದನ,
ಕಂಡಿಲ್ಲ ಕಾಂತಿಹೀನ,
ಮಿಂಚಂತೆ ನಿನ್ನ ನಯನ,
ನಿ ಹೇಗಾದೆ ನನ್ನ ಗೆಳಯ !

ಯಾವ ಸಂಬಂಧವಲ್ಲ,
ಈ ಗೆಳೆತನ ದೇವ ಬಲ್ಲ,
ನಾನಾದೆ ನಿನ್ನ ಗೆಳತಿ,
ನಿನಾದೇ ನನ್ನ ಗೆಳಯ !!

-ಪೂರ್ಣಿಮಾ